Azərbaycanın tanınmış kommunisti Ədalət Abdinov Türkiyədə öldürülən azərbaycanlı avtoritet Rövşən Canıyevi (Lənkəranski) xalq qəhrəmanı adlandırmışdır. O, "Master smi" saytının "Kommunist Azerbaydjana" redaksiyasına bunları demişdir:
- Rövşən Lənkəranski ədalətsizliyə, haqsızlığa, zülmə qarşı zəhmli, amansız və əzəmətli tufan idi. Onun olduğu yerdə bulaq suyu kimi durulaşırdı ətraf. Çünki Rövşən qeyrətlilərin, xalislərin möhtəşəm qəzəbi idi. Onun baxışlarından namərdlər, zalımlar, qaniçənlər hürkürdü.
Rövşən Lənkəranski dünyadakı məkrə, hiyləyə, müxənnətliyə qarşı bir hiddət idi, üsyan idi. Hər ikisində böyük məna yaşayan hiddət və üsyan isə insanın mərdliyindən irəli gəlir.
Haqsızlıq olan yerdə şimşək kimi çaxırdı Rövşən! Elə şimşək qədər də əzəmətli, qeyrətli, mərd, sərt və geniş ürəkli idi. Vicdan, namus, şəxsi ləyaqət, mərhəmət bəndini aşan yalançıların, fırıldaqçıların, naqislərin dərisinə saman təpirdi.
Rövşən Lənkəranski dünyası namərdlikdən, saxtakarlıqdan, mütilikdən, xəbislikdən, dönüklükdən uzaq idi. Onun sözü bir bir sədd idi: mərdliyi namərdlikdən, qəhrəmanlığı məkrdən, fədakarlığı fitnəkarlıqdan ayıran bir sədd. Rövşənin qoyduğu qanun-qaydalarda nakişiliyə, gədalığa, qeyrətsizliyə yer yox idi.
Rövşən Lənkəranski bütün düşmənlərini igidliyi ilə özünə cəlb etmişdir: onlarla mərd-mərdanə vuruşmuşdur. Onun ətrafına da seçmə oğullar yığılmışdır. Və Rövşən adlanan yenilməz qüvvə var idi və həmin qüvvə onları birləşdirirdi, el gücünə çevirirdi.
Rövşən Lənkəranski özünün gerçək səviyyəsindən artıq işlər görmüşdür, bu səbəbdən də o, xalq qəhrəmanı adını daşımağa layiqdir. Qəhrəman kimi gəlirdi, zülmət çəkilirdi, zillət çəkilirdi, yamanlıq yamanlanırdı...
Fəxrəddin Quliyev
Если у Вас еще нет аккаунта на нашем портале, Вам необходимо зарегистрироваться.