ƏDALƏT ABDİNOV,
AZƏRBAYCAN KOMMUNİSTLƏR BİRLİYİNİN SƏDRİ
Görkəmli partiya və dövlət xadimi Aleksey Nikolayeviç Kosıginin vəfatından 36 il ötür
Kommunist Partiyası və sovet dövləti xadimi Aleksey Nikolayeviç Kosıgin 21 fevral 1904-cü ildə Peterburqda fəhlə ailəsində anadan olmuşdur. 1919-cu ildə könüllü olaraq Qızıl Orduya daxil olmuşdur. 1924-cü ildə Leninqrad kooperativ texnikumu, 1935-ci ildə Leninqrad toxuculuq institutunu bitirmişdir. 1927-ci ildə Sovet İttifaqı Kommunist Partiyasının sıralarına daxil olmuşdu. 1924 – 1930-cu illərdə Sibirdə istehlak kooperasiyası sistemində çalışmış, 1935 -1938-ci illərdə Leninqradda toxuculuq fabrikində usta, sex rəisi, direktor işləmişdir. 1938-ci ildə ÜİK(b)P Leninqrad Vilayət Komitəsində şöbə müdiri, 1938-1939-cu illərdə Leninqrad Şəhər İcraiyyə Komitəsinin sədri, 1939-1940-cı illərdə SSRİ toxuculuq sənayesi komissarı, 1940-1946 –cı illərdə SSRİ XKS sədrinin müavini, eyni zamanda RSFSR XKS sədri (1943-1946) olmuşdur. Böyük Vətən müharibəsi (1941 – 1945) illərində xalq təsərrüfatının ölkənin müdafiə ehtiyaclarına uyğun surətdə yenidən qurulması sahəsində böyük təçkilatçılıq işi aparmışdır.
A.N.Kosıgin 1946-cı ildən 1953-cü ilin martınadək SSRİ Nazirlər Soveti sədrinin müavini, 1948-ci ildən eyni zamanda SSRİ maliyyə naziri, 1949-1953-cü illərdə, SSRİ yüngül sənaye naziri olmuşdur. SSRİ nazirlikləri dəyişdirildikdən və yeyinti sənayesi naziri (1953, mart-avqust), nazirliyin yenidən təşkilindən sonara çoxişlənən sənaye malları naziri (1954-cü ilin fevralınadək), SSRİ Nazirlər Soveti sədrinin müavini (1953- 1956), SSRİ Nazirlər Soveti xalq təsərrüfatının cari planlaşdırılması üzrə Dövlət iqtisadi komissiyası sədrinin birinci müavini – SSRİ naziri, SSRİ Dövlət Plan Komitəsi sədrinin birinci müavini – SSRİ naziri (1956 – 1957), SSRİ Nazirlər Soveti sədrinin müavini (1957 – 1960), eyni zamanda SSRİ Dövlət Plan Komitəsi sədri (1959 – 1960), ), SSRİ Nazirlər Soveti sədrinin birinci müavini (1960 – 1964), SSRİ Nazirlər Soveti sədri (1964 – 1980) olmuşdur.
A.N.Kosıgin partiyanın XVIII – XXV qurultaylarının nümayəndəsi olmuşdur. 1939-cu ildən Sov.İKP MK üzvü idi. 1946-1948-ci illərdə ÜİK(b)P MK Siyasi Bürosu üzvlüyünə namizəd, 1948-1952-ci illərdə üzvü, 1952 – 1953-cü və 1957 – 1960-cı illərdə Sov.İKP MK Rəyasət Heyəti üzvlüyünə namizəd, 1960- 1966-cı illərdə üzvü olmuşdur. 1966-cı ilin aprelindən Sov.İKP MK Siyasi Bürosunun üzvü idi.
A.N.Kosıgin SSRİ Ali Sovetinin ( II – X çağırış) deputatı olmuşdur. Onun Sov.İKP-nin XXII – XXV qurultaylarındakı məruzələrində inkişaf etmiş sosializm şəraitində partiyanın iqtisadi siyasəti, 8 -10-cu beşilliklərdə SSRİ-nin social – iqtisadi inkişafının başlıca istiqamətləri, sosialist təsərrüfatçılığının iqtisadi mexanizminin və metodlarının təkmilləşdirilməsi yolları dərindən və hərtərəfli açılıb göstərilmişdir.
A.N.Kosıgin iki dəfə Sosialist Əməyi Qəhrəmanı ( 1964, 1974) adına layiq görülmüş, 6 dəfə Lenin ordeni, Oktyabr İnqilabı, Qırmızı Bayraq ordenləri və medallarla, bir çox ölkənin ali dövlət mükafatları ilə təltif edilmişdir.
Məhz A.N.Kosıginin diqqəti ilə azərbaycanlı Eyyub Tağıyev Hindistanın neftxıxarma sənayesində böyük rol oynamışdı. Belə ki, 1955-ci ilin payızında SSRİ Nazirlər Sovetinin sədri A.N.Kosıgin Daşkənddə Hindistanın baş naziri Cəvahirləl Nehru ilə görüşür. Nehru Hindistanda neft ehtiyatlarının axtarışı üçün mütəxəssislər qrupunun göndərilməsini xahiş edir. Kosıgin SSRİ-nin ozamankı neft sənayesi naziri N.Baybakova belə mütəxəssislərin tapılması və Hindistana göndərilməsini tapşırır və qrupa “Şərq adamı”nın rəhbər təyin olunmasını məsləhət görür. Baybakov fikirləşmədən Azərbaycanlı Eyyub Tağıyevi təklif edir...
Elə ilk görüşdə Nehru Tağıyevə deyir: “Bizə öz neftimiz çox lazımdır. Hər il biz Qərb şirkətlərindən neft almaq üçün 200 milyon dollardan çox pul xərcləyirik”. Hind alimləri ölkələrində neftin olduğuna əmin idilər, amma təcrübəli geoloq, geofizik və qazmaçılar olmadığı üçün geoloji kəşfiyyat apara bilmirdilər. Sovet mütəxəssisləri Hindistanın geoloji xəritəsini tərtib etməyə başladılar və neft ehtiyatları baxımından perspektivli sayılan ştatlara yollandıalr. 1956–61-ci illərdə neft və qaz kəşfiyyatı üzrə işlərin planı hazırlandı. Tağıyevin və köməkçilərinin proqnozları özünü doğrultdu: 1958-ci ilin mayında Pəncabda, 1959-cu ilin sentyabrında Bombeyin 250 kilometrliyində sovet mütəxəssisləri tərəfindən qazılan quyu fontan vurdu. Bundan sonra Tağıyev Hindistanın neft üzrə baş idarəsinin ömürlük məsləhətçisi təyin olunur.
Bu görkəmli şəxsiyyət 1958-ci ildə Bakıda olmuşdur. Uzun illər Azərbaycan Kommunist Partiyası Mərkəzi Komitəsinin birinci katibi işləmiş Heydər Əliyev 17 sentyabr 1994-cü ildə Azərneftyanacaq İstehsalat Birliyinin əməkçiləri ilə görüşündə demişdir ki, yüksək oktanlı benzin istehsal edən katalitik riforminq qurğusun respublikamızda tikilməsində A.N.Kosıginin xidmətləri olmuşdur.
Sosializmin inkişafında böyük xidmətləri olmuş Aleksey Nikolayeviç Kosıgin 18 dekabr 1980-cı ildə vəfat etmiş, Qızıl meydanda Kreml divarı yanında dəfn edilmişdir. Sovet dönəmində A.N.Kosıginin adına sənaye müəssisəsi, ali məktəb, küçələr və s. var idi. Ümumrusiya Sənaye və Ticarət Palatası A.N.Kosıgin adına mükaf tısis etmiş və son illər Azərbaycandan da bu mükafata layiq olan var.
Если у Вас еще нет аккаунта на нашем портале, Вам необходимо зарегистрироваться.