Azərbaycan Kommunist Partiyasının parçalanmasının qarşısını almaq və birliyini möhkəmləndirmək məqsədi ilə ərazilərdə yaradılmış təşəbbüs qrupların birləşdiyi mərkəzi komitənin yığıncağı keçirilmişdir. Yığıncaqda partiyanın bölündüyü qruplarda idarəetmənin effektivliyi monitorinqinin keçirilməsi məsələsi müzakirə olunmuşdur.
Yığıncaqda çıxış edən Azərbaycan KP-nin birliyi naminə təşəbbüs qrupların birləşdiyi MK-nın birinci katibi Ədalət Abdinov qeyd etmişdir ki, hazırda partiyanın bölündüyü fraksiyalarda informasiyanın toplanması, müşahidə, təhlil, qiymətləndirmə və idarəetmənin effektivlik vəziyyətinin proqnozlaşdırılması çox vacibdir. Aparacağımız monitorinq demokratik mərkəziyyət, partiyadaxili münasibətlərin tənzimlənməsi və proqnozlaşdırılması sisteminin bir hissəsi olacaqdır. Monitorinq fəaliyyətimizin effektivliyi partiyada informativ – analitik funksiyaların yerinə yetirilməsinə də müsbət təsir göstərəcəkdir.
Ədalət Abdinov bildirmişdir ki, partiyanın bölündüyü digər qruplardan fərqli olaraq, beynəlxalq təşkilatların loyal münasibət göstərdikləri Rauf Qurbanov qanadı Azərbaycan Kommunist Partiyasının məqsəd və vəzifələrinin yerinə yetirilməsində mütəşəkkillik nümayiş etdirir və hazırkı vəziyyətdə kommunist və təəssübkeşlər bunu yüksək qiymətləndirməlidirlər. R.Qurbanovun rəhbərlik etdiyi qurumun partiyanın indiki şəraitində faydalı ola biləcək fəaliyyəti müsbət nəticələrin izlənməsində, proqnozlaşdırma və korreksiya işlərinin vaxtında həyata keçirilməsində quracağımız monitorinq və qiymətləndirmə sisteminə lokal yox, mükəmməl xarakter verəcəkdir.
Təşəbbüs qrupun rəhbərlərindən M.Hüseynov (Siyəzən), T.Nağıyev (Xaçmaz), T.İsmayılov (Xızı), Z.Məmmədova (Gəncə), S.Məmişov (Abşeron) və başqaları çıxış edərək bildirdilər ki, partiyanın monolit birlik ənənəsinin bərpasında müsbət dəyişikliklərin aparılması üçün ilk öncə mühüm vasitə rolları, həmçinin neqativ hallara qarşı mübarizə vasitələri müəyyən edilməlidir.
Yığıncaqda partiyanın bölündüyü qruplarda informasiyanın toplanması, müşahidə, təhlil, qiymətləndirmə və idarəetmənin effektivlik vəziyyətinin proqnozlaşdırılmasına dair monitorinq barədə ictimaiyyətə müntəzəm məlumat verilməsi qərara alınmışdır.
Azərbaycan Kommunist Partiyasının mətbuat xidməti
Если у Вас еще нет аккаунта на нашем портале, Вам необходимо зарегистрироваться.