Ədalət Abdinov, Azərbaycan Kommunistlər Birliyinin sədri
İlk ümumrusiya gizli marksist qəzeti olan “İskra”nın 116-cı ildönümünə həsr olunur.
V.İ.Lenin tərəfindən ilk ümumrusiya gizli marksist qəza” 1900-cü ildə yaradılmışdır. Qəzet o zaman Rusiya sosial-demokratiyasında hökm sürən ideya hərc-mərcliyini, təşkilati parakəndəliyi və kustarçılığı aradan qaldırmalı, kortəbi fəhlə hərəkatını vahid məqsədə yönəltməyə kömək etməli idi. Bu məqsədlə 1900-cü ilin iyulunda V.İ.Lenin İveçrədə “Əmək azadlığı” qrupu ilə birgə qəzet nəşr etmək haqqında razılığa gəldi. Redaksiyanın tərkibində V.İ.Lenin, G.V.Plexanov, L.Martov, P.B.Akselrod, V.İ.Zasuliç, A.N.Potresov daxil oldular. N.K.Krupskaya 1901-ci ilin aprelindən redaksiyanın katibi idi. Qəzet dekabristlərin A.S.Puşkinə yazdıqları cavab məktubundan götürülmüş “Qığılcımdan alov doğar” cümləsini epiqraf etmişdi.
“İskra”nın ilk nömrəsi 1900-cü ilin dekabrında Leypsqidə yığılmış və səhifələnmiş, dekabrın 11(24)-də Münxendə çap edilmişdir. Redaksiya Münxendə yerləşirdi. 1902-ci ildə, partiyanın II qurultayından bir qədər əvvəl Cenevrəyə köçmüşdü. V.İ.Lenin qəzetə ideya rəhbərlik edir, siyasi məqalələrlə onu istiqamətləndirirdi. 1901-ci ilin ortalarından qəzet müntəzəm olaraq ayda bir dəfə, 1902-ci ildən isə ayda 2 dəfə nəşr edilmişdir. Birdəfəlik tirajı təqribən 8 min, bəzi nömrələrinki isə 10 minədək nüsxə olmuşdur. Xaricdə çıxmasına baxmayaraq, “İskra” Rusiya ilə sıx əlaqə saxlayırdı. “İskra” ətrafında fəhlə müxbirlər dəstəsi yaranmışdı. Partiyanın II qurulyayınadək çıxan 44 nömrədə fəhlə müxbirlərin 300-dək məktubu verilmişdi.
V.İ.Lenin “İskra”nın və digər marksist ədəbiyyatın xaricdən Bakı vasitəsi ilə Rusiyaya göndərilməsinə ciddi əhəmiyyət verirdi. Bu məqsədlə 1901-ci ildə Bakı “İskraçı” qrupu və gizli “Nina” mətbəəsi yaradıldı; dekabrda burada “İskra”nın 11-ci nömrəsi matrisadan çap olundu. “İskra”nın nömrələri Azərbaycan qəzalarında da (Şuşa, Gəncə) yayılırdı. 52-ci nömrəyədək qəzetdə Azərbaycan haqqında 40-dan çox müxbir məktubu və məqalə dərc edilmişdir.
“İskra”nın bütün fəaliyyəti yeni tipli partiya yaradılmasına yönəldilmişdi. 1902-ci ilin yazından “İskra” RSDFP II qurultayının çağırılmasına hazırlığa başladı. II qurultay partiya yaradılması uğrunda mübarizədə “İskra”nın mısilsiz rolunu yüksək qiymətləndirdi, onu RSDFP-nın mərkəzi orqanı elan etdi. V.İ.Lenin, Plexanov və Martovdan ibarət redaksiya heyəti seçildi. “İskra”nın 46-51-ci nömrələri V.İ.Lenin və Plexanovun, 52-ci nömrəsi təkcə Plexanovun redaktorluğu ilə çıxdı. 53-cü nömrədən sonra “İskra” menşeviklərin əlinə keçdi. 1904-cü ilin dekabrında V.İ.Lenin və bolşeviklər inqilabi “İskra”nın ənənələrini davam etdirən “Vperyod” qəzetini yaratdılar. Menşevik “İskra”nın nəşri 1905-ci ilin oktyabrında dayandı.
Leninçi “İskra”nın marksist partiya yaratmaq uğrunda mübarizəsi təkcə Rusiya üçün deyil, həmçinin beynəlxalq fəhlə hərəkatı üçün böyük əhəmiyyətə malik idi. V.İ.Lenin “İskra”nın rolu haqqında sonradan yazmışdı: “...bizim tarixi şəraitdə, 1900-1905-ci il rusiyasında “İskra” təşkilatından savayı heç bir başqa təşkilat indi yaradılmış olan belə bir sosial-demokrat fəhlə partiyası yarada bilməzdi” (Əsərləri, tam külliyatı, c.16, səh.110)
Если у Вас еще нет аккаунта на нашем портале, Вам необходимо зарегистрироваться.